اجراءات عمل اعلام الوراثة
تاخد من اى محامى نموذج طلب اعلام وراثه ونموذج اعلان للورثة
تكتب فى طلب اعلام الوراثة اسماء الورثه وفى الاعلان اللى هيروح للورثة تكتب اسمك واسماء الورثة وعنوانك وعنوان احد الورثة
تطلع الدور الاول لمكتب التوثيق وهو هيقدر الرسوم على طلب اعلام الوراثة 3 جنية
تطلع الدور الرابع عند الخزينة تدفع الرسوم وتاخد ايصال
تروح لنفس الموظف هيختم على الطلبين
وفى هتاخد رقم مسلسل علشان تاخد دورك
تطلع عند موظف الكومبيوتر حسب دورك بالرقم المسلسل هتعطيك طابعة برينت بتاريخ جلسة اعلام الوراثة
وهتاخد منك طلب اعلام الوراثة واصل شهادة الوفاة وصورة بطاقة المتوفى وصورة بطاقتك
تصور اعلان الوراثة نسختين لكل وارث فى الاعلان يعنى لو 4 ورثة تصور الاعلان 8 نسخ
وتصور بطاقتك كمان وتدبس الورق كله وتدخل القاعة وتسلم الورق لرئيس المحضرين وهو هيديلك رقم تحتفظ بيه
المحضر هيجي للورثة ويسلمهم الاعلان
بعد 3 او 4 ايام تروح المحضرين تستلم الاعلان من المحضرين وتختمي بختم التنفيذ
تروح يوم الجلسة ومعاك الاعلان و2 شهود وصورة بطاقتك وبطاقات الشهود
ليست هناك تعليقات:
إرسال تعليق