النهاردة هقولكم ازاي تعملو دجاج كنتاكي بنفس القرمشة و الطعم الي انا قدرت اوصلها ان شاء الله هتعجبكم:
المقادير:
1/2 كيلو دبابيس دجاج
1 1/2 كوب دقيق كبير
نص علبة كبيرة كورن فلكس سادة مدشوش قطع كبيرة
بقسماط ناعم
4 بيضات
ملح وفلفل ومعلقةونص شاي بصل بودر
معلقة ثوم بودر
و معلقة سبع بهارات
نص معلقة نشاء
الطريقة:
يضاف الدقيق مع التوابل والنشا مع البيض ويقلب جيدا و نضع البقسماط مع الكورن فلكس لوحدهم نخلي الكورن فلكس مكسر بس مش ناعم ويقلب جيدا
يضرب البيض جيدا ونحطهم جنب بعض من اليمين للشمال بالترتيب دة:
1-الدقيق(العجينة)
2-البقسماط
دي كدة طعم القرمشة الي هيكون فيها تمام!
المقادير:
هنروح بقي نشوف هنعمل ايه في دبابيس الفراخ ممكن صدور كمان و ممكن نعملها جنحة (تشكن ونجز)بس انا بحب الدبابيس :)
هنجيب بصله مبشورة ناعم ننزل منها العصير
وحبيتين طماطم مبشورة ناعم
و معلقتين خل
3 معلق زيت
وملح و فلفل
الطريقة:
نضع البصل والطماطم والخل والتوابل
وبعدين نحط عليهم الفراخ و نقلبهم كويس
وبعد كدة نحط الزيت و نقلب كويس
و نسيبها ساعة اقل حاجة
وبعد كدة نشرح الدجاج علشان يستوي بسرعة
و نضعه في الدقيق (العجينة) و نغطي كل القطع
و نغطيها بعد كدة بالبقسماط ونضغط عليها كويس
وبعد كدة نجيب طاسة غويطة فيها لتر زيت ذرة نحطها علي النار لحد ما يسخن
و نحط فيه الدجاج
ونقلبه لحد مايكون لونة ذهبي يقرمش
ممكن نقدم معاه البطاطس المحمرة و سلاطة الكلو سلو ودي هيكون ليها وصفه معانا
و بالهناء و الشيفاء
